Apéndice A: Mudanzas

Índice

Mudanzas entre as versións de HTML 4.0 do 24 de abril de 1998 e a de HTML 4.01 do 24 de decembro de 1999
Mudanzas entre as versións do 18 de decembro de 1977 e a de 24 de abril de 1998
1. Erros corrixidos
2. Grallas tipográficas menores corrixidas
Mudanzas entre HTML 3.2 e HTML 4.0 (18 de decembro de 1997)

A.1 Mudanzas entre as versións de HTML 4.0 do 24 de abril e a de HTML 4.1 do 24 de decembro de 1999

Esta sección descrebe en que difiren a versión HTML 4.01 de 24 de decembro de 1999 da versión de HTML 4.0 de 24 de abril de 1998.

A.1.1 Alteracións na especificación

Alteracións xerais

Novas follas de estilo para o documento baseadas nos estilos de informe técnico do W3C.
Adicionou-se un índice abreviado .
Actualizouse o copyright.
Amañaron-se os scripts de documento para eliminar código que producia caídas nalguns navegadores.
Sumaron-se as grácias a Shane McCarron aos agradecimentos .
Na sección 1.4 , eliminaron-se os detalles de copyright e incorporou-se no seu lugar a referéncia ao sítio do W3C .
Todas as referéncias ao xogo de caracteres do documento son ISO 10646 (e unha vez UNICODE para sinalar equivaléncia). As referéncias ao UNICODE son só ao algoritmo de bidireccionalidade.
Os exemplos agora usan FPI con data.

Sobre a SGML e a HTML

Sección 3.2.2 : Os valores de atributos poden conter tamén os dous pontos e o trazo baixo.

Representación de documentos HTML

O xogo de caracteres do documento : [ISO10646] usa-se agora só para referéncias ao xogo de caracteres do documento. [UNICODE] reserva-se para referéncias à bidireccionalidade.

Tipos de dados HTML básicos

Descritores de média : Todos os caracteres dos exemplos descreben-se agora usando a notación hexadecimal (e referéncias ao ISO 10646 no canto de a Unicode).

Estrutura global dun documento HTML

7.2 Información sobre a versión de HTML : Engadiu-se unha nota sobre o compromiso do Grupo de Traballo da HTML de que:
- Nengunha mudanza a DTD de HTML 4 futuros invalidará os documentos que sexan conformse às DTD da especificación actual. O Grupo de Traballo da HTML reserva-se o direito de correxir erros coñecidos.
- O software conforme coas DTD da presente especificación pode ignorar características de DTD de HTML 4 futuros que non recoñeza.
7.2 Información de versión HTML : Usan-se URI de HTML sen data como identificadores de sistema. Estes URI utilizan-se tamén en xeral en todos os exemplos.
7.4.4 Dados META : Eliminou-se a nota na que se falaba do traballo en curso do W3C sobre os dados META e substituiu-se cunha nota sobre RDF.
7.4.4.2 Dados META : No final da sección sobre cabezallos HTTP, eliminou-se o exemplo sobre auto-refresco (xa que non é parte da Recomendación) e engadiu-se unha nota para usar redireccións do lado do servidor.

Información sobre o idioma e a dirección do texto

O atributo dir : Clarifición de que dir aplica-se aos conteúdos dos elementos, os valores dos atributos e a dirección das tabelas.

Tabelas

11.2.6 Celas de tabelas: As definicións de rowspan e colspan mudaron. Agora as spans van delimitadas por grupos (grupos de filas ou grupos de colunas).
11.3.2 Celas de tabelas: Define-se o comportamento cando o axente de usuário non aceita "char=align".

Vínculos

12.2 O elemento A: A descrición do atributo type para os elementos A e (LINK ) foi modificada para enfatizar a sua natureza de recomendación.
12.2.3 Áncoras co atributo id: É legal que "name" e "id" aparezan na mesma etiqueta inicial cando ambos os dous se definen para un elemento. Teñen que ter idéntico valor.
12.3.3 Vínculos e motores de pesquisa: Eliminou-se a referéncia ao atributo dir no exemplo xa que non se aplica a recursos vinculados (só conteúdos de elemento e valores de texto de atributos).
12.4.1 Resolución de URI relativos: Dado que RFC 2616 non inclue un campo de cabezallo Link, a seguinte delcaración é válida para versións ateriores de HTTP 1.1: "Os elementos Vínculo especificados polos cabezallos HTTP tratan-se exactamente igual que os elementos LINK que aparecen explicitamente nun documento."

Obxectos, imaxes e applets

13.2 O elemento IMG: Adición do atributo name por compatibilidade para trás.
13.2 O elemento IMG: Adición dunha nota dicindo que os axentes de usuário deben fornecer mecanismos variados para aceder o URI "longdesc" (das IMG) e o URI "src" (de A) cando unha IMG é parte do conteúdo dun elemento A.
13.3 O elemento OBJECT: Adición dunha nota dicindo que cando o valor de "type" para OBJECT e o cabezallo HTTM Content-Type difiren, este último ten preferéncia.
13.3 O elemento OBJECT : Adición dunha declaración para que se use PARAM no canto dos atributos "data" e "classid" para OBJECT xuntos.
13.4 O elemento APPLET: Adición dunha nota dicindo que, por motivos de seguranza, só se procura o atributo APPLET de "codebase" no subdirectórios.
13.6.1 Mapas de imaxe do lado do cliente: A definición do atributo "poly" foi eliminada. Hai unha nota dicindo que, se os autores non o fechan, os axentes de uxuário deberian fechar o polígono para o atributo "coords" de AREA.
13.6.1 Mapas de imaxes do lado do cliente:
- O modelo de conteúdos do elemento MAP permite-lles agora aos autores mesclar conteúdos de AREA e conteúdos de nível de bloco.
- Os axentes de usuário "deberian" representar conteúdos de nível de bloco (antes era "poden").
- O elemento MAP pode-se usar sen unha imaxe para ferramentas de navegación de propósito xeral.
- Os axentes de usuário deben ignorar os elementos AREA cando o conteúdo está mesclado (AREA e nível de bloco).
- Os autores deberian especificar xeometrias completamente cos seus elementos AREA ou elementos A en conteúdo de bloco, ou ambos os dous.
13.7.2 e13.7.3 : As definicións dos atributos vspace e hspace semellan-se agora às definicións dos outros atributos.
13.7.2 e 13.7.3 : O tipo de valores de atributo vspace, hspace, e border mudou de "length" a "pixels".
13.8 Alternate text: A derradeira oración da sección está vinculada agora a unhas notas para que os desenvolvedores de axentes de usuário traten atributos "alt" baleiros.

Follas de estilo nos documentos HTML

14.6 Vinculación a follas de estilo con cabezallos HTTP: Dado que RFC 2616 non inclui un campo de cabezallo Link, toda a sección aparece descrita como pertencente só a versións anteriores de HTTP 1.1.

Molduras

16.4.1 NOFRAMES: Adición de texto à descrición de NOFRAMES sobre a repreentación cando as molduras (1) se desactivan e (2) non se aceitan.
16.4.1 NOFRAMES: Adición de texto sobre que DTD poden ter NOFRAMES (frames, transitional).

Formulários

17.2.1 Tipos de control: Na descrición dos botóns de rádio, cando non se selecciona nengun botón de rádio inicialmente, non se define o comportamento do axente de usuário para que seleccione un. Isto difire de RFC 1866.
17.3 O elemento FORM: Adición do atributo name por compatibilidade para trás.
17.3 O elemento FORM: Eliminou-se a referéncia ao URI "mailto" na definición do atributo "action".
17.3 O elemento FORM: Eliminou-se o exemplo "mailto" cara o final da sección xa que o comportamento non está definido na especificación.
17.3 O elemento FORM: Engadiu-se o atributo accept ao fragmento DTD. Tamén se modificou a descrición do atributo accept-charset .
17.4 O elemento INPUT: Adición do "ismap" que faltaba para o elemento INPUT. Tamén, na definición de value acrescentou-se "checkbox" aos valores type que requeren un valor.
17.6.1 : Cando non hai nengunha opción pré-seleccionada, non se define o comportamento do axente de usuário. Os autores deberian incluir unha opción "nengun" explícita para cobrir este caso. Este comportamento difire de RFC 1866.

Declaración SGML

Declaración SGML da HTML 4: Eliminou-se o texto sobre referéncias actualizadas a ISO 10646. Substituiuse con "As revisións à especificación HTML 4 poden actualizar a referéncia a ISO 10646 e incluir modificacións adicionais."

DTD estrito

Os atributos vspace/hspace/border de IMG, OBJECT, APPLET en pontos ( píxeis).
Mudou-se o modelo de conteúdo de MAP a ((%block;) | AREA)+
Engadiu-se o atributo "ismap" a INPUT
O atributo accept adicionou-se ao fragmento DTD do elemento FORM .
O comentário do atributo axis foi modificado para referir-se a unha lista separada por vírgulas.
O atributo archive para o elemento OBJECT toma un valor do tipo CDATA en vez de tipo %URI, xa que o valor é unha lista de URI separados por espazos.

Notas

Notas Actualizaron-se as notas sobre a acesibilidade para que aponten para as Directrices de acesibilidade do conteúdo web.

Referéncias

Actualizaron-se as ligazóns aos RFC para que utilicen http://www.ietf.org/rfc
Puxeron-se ligazóns nos títulos.
Adición de data de revisión 27 de agosto de 1998 para [DATETIME]
Adición de data de revisión de 11 de xaneiro de 1999 para for [CSS1].
Amañada a data de publicación de [CSS2].
Actualizou-se [UNICODE] à versión 3.0
Actualizou-se [ISO10646] para permitir asignacións de novos caracteres. Observe-se que a modificación cinco se toma moi en conta.
Espera-se que [RFC1766] sexa actualizado.
[RFC2279] fai [RFC2044] obsoleto.
[RFC2616] fai [RFC2068] obsoleto.
[RFC2388] engade-se xunto a [RFC1867].
Enderezo de [LEXHTML] actualizado e data acrescentada.
Enderezo de [DCORE] actualizado.
Actualizou-se [WEBSGML]
Enderezo de [HTML3STYLE] actualizado.
Engadiu-se [RDF10] (substituiu ao vello RDF)
Modificou-se [WAIGUIDE] -> [WAI]
Engadiron-se as referéncias informativas [WCGL], [UAGL], e [ATGL]
Referéncia URI actualizada a [URI] (RFC 2396).

A.1.2 Erros corrixidos

Sección 13.6.1

Os exempos de mapas de imaxes que usan "poly" foron corrixidos para que formen un polígono fechado. Tamén, o último par de coordenadas é o mesmo que o primeiro para fechar o polígono.

Sección 14.4.1

No exemplo final, ao elemento STYLE falta-lle a asignación de atributo "media=screen, print".

Sección 15.2.1

No exemplo con"mypar", a regra CSS deberia ser

  P#mypar {font-style: italic; color: blue}

En CSS, "#" refire-se a un nome ID encato que "." refire-se a un nome de clase. Este exemplo trata do atributo "id".

Sección 16.2.2

Os valores de marginwidth e marginheight deben ser de 0 pontos ou máis, non 1 ponto ou máis.

Sección 16.2.2

O elemento FRAME non leva o atributo target .

Sección 16.5

O elemento IFRAME non leva o atributo target .

Sección 17.2.1

Na descrición dos "cadros de confirmación", mude "seleccionado" por "marcado (checked)" en "cando se define o atributo seleccionado do elemento control".

Sección 17.6.1

Na sección "Atributos definidos noutro sitio" para o elemento OPTGROUP , os atributos onfocus , onblur , e onchange non deberian estar aí.

Sección 18.2.3

À lista de elmentos que receben onfocus e onblur , adicionaron-se A e AREA .

Sección 20

A Declaración SGML para HTML 4 ten que se modificar un pouco para aceitar referéncias numéricas hexadecimais. Hai que modificar as liñas:

        DELIM
               GENERAL SGMLREF
               SHORTREF SGMLREF

para:

        DELIM
               GENERAL SGMLREF
               HCRO "&#38;#x" -- 38 is the number for ampersand --
               SHORTREF SGMLREF

E o código inicial <!SGML "ISO 8879:1986" hai-no que mudar para<!SGML "ISO 8879:1986 (WWW)".

Sección 21

O elemento HR deberia tamén aceitar os atributos lang e dir . Dicia-se que estaban definidos noutro sítio na definición do elemento pero deixaran-se fora da DTD.

Sección 21

Na definición da DTD, o atributo archive do elemento OBJECT dicia-se que toma un valor do tipo %URI". Isto é incorrecto: o valor pode ser unha lista de URI) separada por espazos (como se indica na definición do comentário DTD).

O fragmento DTD do elemento FORM deberia incluir unha definición do atributo accept , que aparece listado na definición do elemento. A definición deberia ser a que segue:

 accept  %ContentTypes;  #IMPLIED  -- list of MIME types for file upload --

Sección B.4.1

No final do sección, as oracións seguintes son incorrectas: "A lista de termos no conteúdo é ALL, INDEX, NOFOLLOW, NOINDEX. O nome e os valores de atribudo dos conteúdos diferéncian entre maiúsculas e minúsculas." Con efeito, a definición de META especifica que os valores dos atributos nome e content diferéncian entre maiúsculas e minúsculas.

Sección B.4.1.1

A especificación di que "Non se permiten liñas en branco". Permiten-se liñas en branco no ficheiro robots.txt, só que dentro dun único rexisto. Observe-se que a especificación non define rexisto.

Máis abaixo na mesma páxina, a especificación di que "Debe haber exactamente un campo "User-agent" por rexisto. Con efeito, pode haber máis de un campo User-Agent no ficheiro robots.txt, só que non máis de un por rexisto.

Para máis información sobre robots de pesquisa, consulten-se, por exemplo:

Referéncias

A referéncia [URI] deberia ser actualizada ao RFC 2396 de agosto de 1998. "Uniform Resource Identifiers (URI): Generic Syntax", T. Berners-Lee, R. Fielding, L. Masinter, agosto de 1998. RFC 2396 actualiza [RFC1738] e [RFC1808].

A.1.3 Grallas tipográficas menores corrixidas

A.1.4 Clarificacións

Sección 3.2.1: No sétimo parágrafo, engadiu-se "para trás até à etiqueta inicial correspondente" (isto é, deben estar aniñadas correctamente, unha etiqueta final encerra, para trás até à etiqueta inicial, todas as etiquetas iniciais non fechadas que houber no meio con etiquetas finais omitidas (sección (7.5.1), etc.)."
Sección 3.2.4: Adición dunha declaración segundo a cal os comentários son código.
Sección 3.3.3: No segundo elemento da lista, mudou-se "Se a etiqueta final do elemento" para "Se as etiquetas do elemento".
Sección 3.3.3.1: Nunha definición de modelo de conteúdo, "A" significa que "A" debe aparecer unha vez e só unha vez. Tamén, engadiu-se "+(A)" e "-(A)" à sección sobre a sintaxe do modelo de conteúdo.
Sección 7.4.2: Clarificou-se que TITLE non pode incluir comentários.
Sección 10.3: Todas as veces que aparece "cracker" nesta sección e nas suas subseccións substituiron-se por "hacker". Igualmente, as definicións de "hacker" e "nerd" foron tomadas de "O dicionário do hacker".
Sección 13.7.2: Os atributos hspace e vspace foron desaprobados.
Sección 13.7.4: O atributo align desaproba-se para IMG , OBJECT , e APPLET .

A.1.5 Problemas coñecidos dos navegadores

Algunhas versións do Navigator da Netscape Navigator 4.0X caen ao ler o capítulo 3 das versións anteriores desta especificación. A Netscape coñece este fallo e amañou-no na versión 4.5. Para evitá-lo, vaia ao submenu Editar/Preferéncias/Avanzado e desactive as follas de estilo (e talvez JavaScript).

A.2 Mudanzas entre HTML 3.2 e HTML 4.0 (18 de decembro de 1997)

Esta sección descrebe en que difiren a versión de HTML 4.0 do 24 de abril de 1998 da do 18 de decembro de 1997.

A.2.1 Erros corrixidos

Sección 2.1.1: Dicia-se que "http://www.w3.org/TR/PR-html4/cover.html" designaba a versión actual da especificación HTML. A especificación de HTML actual está realmente en http://www.w3.org/TR/REC-html40 .
Sección 7.5.2: A ligazón a name era incorrecta. Agora está vinculado a types.html#type-name .
Sección 7.5.4: href aparecia listado como atributo dos elementos DIV e SPAN . Non o é.
Sección 7.5.6: Usaba-se un elemento P no exemplo. Non é válido en ADDRESS .
Sección 8.1: No primeiro exemplo, que di "Os seus super-poderes eran o resultado...", habia unhas aspas dobres antes da palabra "Os".
Sección 9.3.4: Non se indicaba que o atributo width está desaprobado .
Sección 11.2.4, "Cálculo do ancho das colunas": Na oración "Dimos-lle ao atributo align no terceiro grupo de colunas o valor de 'center'", houbo que substituir "segundo" por "terceiro".
Sección 11.2.6, "Celas que se extenden várias filas ou colunas": O segundo parágrafo dicia "Nesta definición de tabela especificamos que a cela na fila catro, coluna duas, deberia-se extender un total de tres colunas, incluindo a fila actual." Agora remata asi: "...incluindo a coluna actual".
Sección 13.2: A oración que comeza "Os axentes de usuário deben mostrar un texto alternativo cando non aceitan..." dicia "seguinte" en vez de "texto".
Sección 13.6.2: A última oración do segundo parágrafo aplicaba-se tanto aos elementos IMG como aos INPUT . Porén, o atributo ismap non está definido para INPUT . A oración aplica-se agora só a IMG .
Sección 14.2.3: O atributo title do elemento STYLE non aparecia listado como un atributo definido noutro sítio.
Sección 14.3.2: O segundo exemplo facia title="Compact". Agora faititle="compact" .
Sección 15.1.2: A oración que remata por "o atributo align ." dicia "o elemento align ."
Sección 15.1.3.2: A regra de estilo CSS "BR.mybr { clear: left }" era incorrecta, xa que se refire à clase "mybr" e non o valor id. A sintaxe correcta é: "BR#mybr { clear: left }".
Sección 16: Todos os exemplos que contiñan unha Delaración de Tipo de Documento dician algo como "THE_LATEST_VERSION_/frameset.dtd" ou "THE_LATEST_VERSION_" como o identificador de sistema do DTD Frameset. Agora usan a declaración de tipo de documento apropriada indicada na Sección 7.2
Sección 16.3 e Sección 16.3.1: O segundo exemplo de 16.3 e o exemplo de 16.3.1 usaba o DTD equivocado; agora usan Transitional DTD.
Sección 17.5: En "atributos definidos noutro sitio", para o elemento BUTTON faltaban , id , class , lang , dir , title , style , e tabindex Tamén se eliminou usemap .
Sección 17.6/17.6.1: Os "atributos definidos noutro sitio" para OPTION e OPTGROUP listaban por erro onfocus , onblur , e onchange . A sección "atributos definidos noustro sitio" faltaba do elemento SELECT (vexa-se o DTD para a lista de atributos completa).
Sección 17.9.1: Dicia-se que o atributo tabindex estaba definidno no elmento LABEL . Non o é.
Sección 17.12.2: A oración "Os seguintes elementos aceitan o atributo readonly : INPUT eTEXTAREA ." dicia "Os elementos seguintes aceitan o atributo readonly : INPUT , TEXT, PASSWORD , e TEXTAREA ".
Sección 18.2.2, "Declaración local dunha linguaxe de script": O primeiro parágrafo dicia: "Tamén é posíbel especificar a linguaxe de script en cada elemento SCRIPT mediante o atributo type. Na auséncia dunha especifiación da linguaxe de script por omisión, hai que explicitar este atributo en cada elemento SCRIPT ." Dado que se require o atributo type do elemento SCRIPT este parágrafo di agora: "Hai que especificar o atributo type para cada aparición do elemento SCRIPT nun documento. O valor do atributo type para un elemento SCRIPT prima sobre a linguaxe de script por omisión dese elemento".
Sección 21: Adición dunha nota explicando que a especificación inclui algunhas restricións sintácticas que non poden ser expresadas no DTD.
Sección 24.2.1 e ficheiro HTMLlat1.ent: O comentário para a referéncia a carácter "not" dicía: "= discretionary hyphen". Eliminou-se.
O FPI no comentário dicia: "-//W3C//ENTITIES Full Latin 1//EN//HTML"; pola contra, agora é: "-//W3C//ENTITIES Latin1//EN//HTML".
Sección 24.3.1 e ficheiro HTMLsymbol.ent: O FPI no comentário dicia:"-//W3C//ENTITIES Symbolic//EN//HTML"; pola contra, agora é: "-//W3C//ENTITIES Symbols//EN//HTML".
Sección A.1.1, "Novos elementos" (antes A.1.1) e Sección A.1.1, "Elementos desaprobados " (anteriormente A.1.2): O elemento S , que é desaprobado aparecia listado como parte das alteracións entre 3.2 e HTML 4.0. O certo é que este elemento non se definia en HTML 3.2 . Agora está na lista de elementos.
Sección A.1.3 (antes A.3): Dicia-se que o atributo longdesc estaba especificado para as tabelas. Non o está. Pola sua vez, o atributo summary permite-lles aos autores dar descricións de tabelas máis longas.
Sección B.4: A oración: "Poden-se axudar os motores de pesquisa se se usar o elemento LINK con rel="start" xunto co atributo title , ..." dicia "Poden-se axudar os motores de pesquisa se se usar o elemento LINK con rel="start" xunto cun TITLE , ..." O mesmo para o outro exemplo.
Sección B.5.1: A oración "Pode-se alterar isto mediante o axustamento do atributo width do elemento TABLE ." dicia "Pode-se alterar isto mediante o axustamento do atributo width-TABLE do elemento TABLE ."
Sección B.5.2: A oración "As regras para o manexo de obxectos demasiado grandes para unha coluna aplican-se cando o aliñamento explícito ou implicado resulta nunha situación na que os dados exceden o ancho asignado da coluna" dicia "demasiado grande para coluna". O sentido da oración non estaba claro xa que se referia a "regras" que rexian unha condición de erro; o comportamento dos axentes de usuário nas condicións de erro fica fora do ámbito da especificación.
Índice de atributos: O atributo href do elementoBASE aparecia marcado como desaprobado . Non o está. Porén, tampouco se define no DTD Estrito.
O atributo language do elemento SCRIPT non aparecia marcado como desaprobado . Agora si o está e xa non se define no DTD Estrito.

A.2.2 Grallas tipográficas menores corrixidas

A.3 Mudanzas entre HTML 3.2 e HTML 4.0 (18 de decembro de 1997)

Esta sección descrebe en que difire a especificación de HTML 4.0 do 18 de decembro de 1997 da de HTML 3.2 ( [HTML32] ).

A.3.1 Alteracións nos elementos

Elementos novos

Os elementos novos en HTML 4.0 son: ABBR , ACRONYM , BDO , BUTTON , COL , COLGROUP , DEL , FIELDSET , FRAME , FRAMESET , IFRAME , INS , LABEL , LEGEND , NOFRAMES , NOSCRIPT , OBJECT , OPTGROUP , PARAM , S (desaprobado), SPAN , TBODY , TFOOT , THEAD , e Q .

Elementos desaprovados

Os elementos seguintes están desaprovados : APPLET , BASEFONT , CENTER , DIR , FONT , ISINDEX , MENU , S , STRIKE , e U .

Elementos obsoletos

Os elementos seguintes son obsoletos: LISTING , PLAINTEXT, e XMP . No seu lugar, para todos eles, os autores deberian usar o elemento PRE .

A.3.2 Alteracións nos atributos

Case todos os atributos que especifican a apresentación dun documento HTML (p.ex.: cores, aliñamento, tipos de letra, gráficos, etc.) son desaprovados en benefícios das follas de estilo. A lista de atributos do apéndice indica que atributos son desaprovados .
Os atributos id e class permiten-lles aos autores asignar-lle información de nome e clase a elementos para follas de estilo, como áncoras, para scripts, para declaracións de obxectos, procesamento de documentos de propóxito xeral, etc., etc.

A.3.3 Alteracións na acesibilidade

A HTML 4.0 oferta moitas mudanzas que promoben a acesibilidade , incluídos:

O atributo title pode ser agora asignado a practicamente calquer elemento.
Os autores poden fornecer descricións longas das tabelas (ver o atributo summary ), imaxes e molduras (ver o atributo longdesc ).

A.3.4 Alteracións nos dados META

Os autores agora poden especificar perfis que fornecen explicacións sobre os dados META especificados cos elementos META ou LINK .

A.3.5 Alteracións no texto

Os novos rasgos da internacionalización permiten-lles aos autores especificar a dirección do texto e o idioma.
Os elementos INS e DEL permiten-lles aos autores codificar mudanzas nos seus elementos.
Os elementos ABBR e ACRONYM permiten-lles aos autores codificar abreviaturas e acrónimos nos seus documentos.

A.3.6 Alteracións nos vínculos

O atributo id fai de calquer elemento a áncora de destino dunha ligazón.

A.3.7 Alteracións nas tabelas

O modelo de tabela da HTML 4.0 xurdiu de traballo anterior sobre HTML+ e o borrador incial de HTML3.0 . Extendeu-se o modelo anterior en resposta a peticións de fornecedores de información no seguinte:

Os autores poden especificar tabelas que poden ser mostradas incrementalmente segundo o axente de usuário vai recebendo os dados.
Os autores poden especificar tabelas que son máis acesíbeis a usuários con axentes de usuário non visuais.
Os autores poden especifiar tabelas con cabezallos e pés fixos. Os axentes de uxuário poden aproveita-los ao mover-se para riba e abaixo das tabelas ou mostrar tabelas en meios paxinados.

O modelo de tabelas da HTML 4.0 tamén satisface as peticións de valores por omisión baseados en colunas opcionais para as propriedades de aliñamento, maior flexibilidade ao especificar as molduras de tabela e as regras, e a posibilidade de aliñar nos caracteres indicados. Espera-se, porén, que as follas de estilo asuman a tarefa de producir as tabelas no futuro imediato.

Ademáis, un obxectivo importante foi o de posibilitar a compatibilidade para trás coa implementación das tabelas de Netscape, amplamente seguida. Outro obxectivo foi o de simplificar a importación de tabelas conforme ao modelo CALS da SGML. O borrador máis recente fai que o atributo align sexa compatíbel coas últimas versións dos navegadores máis populares. Clarificou-se un pouco o papel do atributo dir e o comportamento recomendado cando se mesclan anchos de coluna absolutos e relativos.

Introduciu-se un elemento novo,COLGROUP , para permitir agrupar grupos de colunas con propriedades de ancho e aliñamento distintas especificadas por un ou máis elementos COL . Clarificou-se a semántica de COLGROUP sobre a de borradores anteriores e rules="basic" foi substituído por rules="groups".

O atributo style inclue-se como maneira de extender as propriedades asociadas cos bordes e os interiores do grupo de celas. Por exemplo, o estilo de liña: ponteado, dobre, delgado/groxo, etc.; o enchido con cor/padrón do interior, as marxes das celas e a información sobre o tipo de letra. Isto será o tema dunha especificación adicional sobre as follas de estilo.

Modificaron-se os atributos frame e rules para evitar conflitos de nomes SGML e para evitar conflitos cos atributos align e valign . Estas alteracións estaban ademáis motivadas polo desexo de evitar problemas no futuro se esta especificación se extender para permitir os atributos frame e rules con outros elementos das tabelas.

A.3.8 Alteracións nas imaxes, obxectos e mapas de imaxes

O elemento OBJECT permite a inclusión xenérica de obxectos.
Os elementos IFRAME e OBJECT permite-lles aos autores crear documentos embebidos.
O atributo alt é requerido nos elementos IMG e AREA .
O mecanismo para a creación de mapas de imaxes permite-lles agora aos autores crear mapas de imaxes máis acesíbeis. Alterou-se o modelo de conteúdos do elemento MAP por esta razón.

A.3.9 Alteracións nos formulários

Esta especificación introduce vários atributos e elementos novos que afectan aos formulários:

O atributo accesskey permite-lles aos autores especificar o aceso directo ao teclado aos contróis dos formulários.
O atributo disabled permite-lles aos autores facer que un control de formulário sexa inicialmente insensíbel.
O atributo readonly permite-lles aos autores proibir alteracións nun control de formulário.
O elemento LABEL asócia unha etiqueta cun control de formulário determinado.
O elemento FIELDSET agrupa campos relacionados e, en conxunción co elementoLEGEND pode-se usar para lle dar nome ao grupo. Estes dous elementos novos permiten unha mellor apresentación e mellor interactividade. Os navegadores baseados na voz poden descreber mellor o formulário e os navegadores gráficos poden facer que as etiquetas sexan sensíbeis.
Un novo conxunto de atributos, en combinación cos scripts , permiten-lles aos fornecedores de formulários verificar os dados introducidos polos usuários.a
Pode-se usar o elemento BUTTON eINPUT con type posto a " button" en combinación con scripts para criar formulários máis ricos.
O elemento OPTGROUP permite-lles aos autores agrupar opcións de menu nun SELECT , que é especialmente importante para a acesibilidade do formulário.
Modificacións adicionais para a internationalización .

A.3.10 Alteracións nas follas de estilo

A HTML 4.0 aceita un conxunto maior de descritores de meios para que os autores podan escreber follas de estilo sensíbeis aos dispositivos.

A.3.11 Alteracións nas molduras

A HTML 4.0 aceita documentos de molduras con molduras na liña.

A.3.12 Alteracións nos scripts

Agora moitos elementos ofertan atributos de evento que se poden emparellar cos scripts; executa-se o script cando acontece o evento (p.ex.cando se carrega o documento, cando se fai clic co rato, etc.).

A.3.13 Alteracións na internacionalización

A HTML 4.0 integra as recomendacións de [RFC2070] para a internacionalización da HTML.

Porén, esta especificación e [RFC2070] difiren no seguinte:

Especificou-se atributo accept-charset para o elemento FORM en troques de para os elementos TEXTAREA e INPUT .
A especificación HTML 4.0 fai aclaracións adicionais con respeito ao algoritmo bidireccional .
O uso de CDATA para definir os elementos SCRIPT e STYLE non mantén a abilidade de transcodificar os documentos, como se descrebe na sección 2.1 de [RFC2070] .